Ekonomisti Pano Soko ka komentuar skandalin e mikrokredive, ku tha se shteti duhet të kishte ndërhyrë duke blerë kreditë e këqija që iu shitën kompanive të mikrokredive.
I ftuar në Euronews Albania, ai hodhi dyshime se skema u la qëllimisht pasi kishte përfitime të mëdha të cilat mund të kenë korruptuar individët që duhet t’i kontrollonin.
“Heqja e licencës nuk është bërë as para një muaji. Problemi është pse nuk u mor parasysh kjo gjëja. Sepse ne pamë aty ishte bërë leku i madh dhe ky leku i madh ka mbyllur gojën dhe sytë e njerëzve. Shyqyr që prokuroria është duke provuar këtë që them unë. Këtu është bërë masakër me jetët e njerëzve. A nuk do të ishte mirë që këto kredi të ishin fshirë fare se nga 86 milionë euro t’i more 7 milionë, ose t’i blente shteti”, tha Soko.
