23-vjeçari Xhimi Bakaj, me origjinë nga Tepelena, është personi i cili mbeti i vrarë mbëmjen e sotme në Fier pas një konflikti me thika. Ngjarja ndodhi në afërsi të gjimnazit profesional ‘Petro Sota’.
39-vjeçari Xhuliano Miho, i cili është vënë në pranga nga policia, qëlloi me thikë bashkëjetuesin e ish-gruas së tij.
- Si ndodhi ngjarja
Burime policore bëjnë me dije se shkak për vrasjen e të riut është bërë divorci mes autorit dhe bashkëshortes me të cilën ka dy fëmijë. Kjo e fundit kishte disa muaj që ishte larguar nga banesa dhe bashkëjtonte me 23-vjeçarin.
Autori e ka takuar në rrugë vitkimën dhe pas një debati e ka qëlluar tre herë me thikë.
- Njoftimi i policisë
Policia njofton se i riu humbi jetën në spital si pasojë e plagëve të marra.
“Rreth orës 21:00, në rrugën “Ramiz Aranitasi”, shtetasi Xh. M., 39 vjeç, gjatë një konflikti për motive të dobëta, ka goditur me mjet prerës (thikë), shtetasin Xh. B., 23 vjeç, i cili si pasojë e plagëve të marra ka humbur jetën në spital.
Shërbimet e Policisë kanë kapur dhe shoqëruar në Polici shtetasin Xh. M., dhe po kryhen veprimet e mëtejshme procedurale.”- njofton policia.
Grupi hetimor po punon për sqarimin e rrethanave dhe dokumentimin ligjor të rastit.
