Gazetari Basir Çollaku ka sjellë në një tjetër dimension arrestimin e ish-ministrit të Shëndetësisë, Ilir Beqajt pas abuzimeve me fondet e Bashkimit Europian.
Gjatë një reagimi në rrjetet sociale, Çollaku ka deklaruar se drejtësia në vendin tonë vepron me dy standarde ndaj rastit “Beqaj” i cili arrestohet menjëherë për “groshët” e vjedhura të BE-së, por nuk dënohet për qindra miliona euro koncensione korruptive në shëndetësi të cilat janë firmosur prej tij.
Sipas Çollakut, SPAK-ut nuk po i mjaftojnë dy mega-aferat miliona euroshe “inceneratori” dhe “5D”, për të marrë si të pandehur Erion Veliajn i cili është zhytur ‘kokë e këmbë’ në korrupsion familjar por drejtësia me “regji” ende “fle gjumë”.
“Irving Yalom një psikoanalist i fort-njohur, autor i shumë librave diku thotë..” Operacioni përfundoi me sukses, por pacienti vdiq..”
Këtu jemi
Operacioni i madh për arrestime të mëdha, përfundoi me sukses por të pandehuri ikën, avulluan, u lehtësuan, çështja thuajse vdiq.
Ilir Beqja arrestohet për peshk e groshë nga BE, por jo për qindra milionë euro koncensione. Erion Veliaj zhytur në batak korruptiv familjarisht, me vëllanë në hetim por me gjasë të larguar e fshehur, livadhis nëpër Evropë. Gjykata e Posaçme, i thotë me vendim Prokurorisë së Posaçme, se drejtorët e Veliajt të Bashkisë janë grup i strukturuar kriminal. Kjo organizatë ka edhe kryetar deri tani të amnistuar. Zgjatja në liri është kompromentim rrënues. Ish-kryebashkiaku i Himarës preu biletë për në qeli, i Malësisë së Madhe gati në sportel”, shkruan Çollaku.
Gjatë shkrimit, Basir Çollaku bën bilancin e qeverisë Rama për të cilën thotë se është e vetme në planet që ka 30% të socialistëve në burg duke nisur nga veprat penale “trafik droge” dhe duke përfunduar tek “korrupsioni” apo “shpërdorim i detyrës”.
“Një kryeministër si Edi Rama nuk gjendet në planet. Ka katër ministra të arrestuar për trafik droge e korrupsion, dy në qeli, Beqja e Koka, një në arrati Ahmetaj, një i dënuar sërish në hetim Tahiri. Ka mbi 23 kryebashkiakë, më shumë se 30 përqind, në burg, të pandehur, në hetim për korrupsion e dënime kriminale brenda e jashtë vendit”, vijon shkrimin e tij Çollaku.
Disa paragrafë, Çollaku i ka kushtuar edhe Fatmir Xhafës, i cili me “bekimin” e Ramës është vendosur në krye të komisionit anti-korrupsion, megjithëse vëllai i tij është trafikant droge kurse dhëndri një ish-drejtor lejesh në bashkinë e skandaleve që udhëhiqet nga Erion Veliaj.
Çollaku gjatë shkrimit rendit dështimet e njëpasnjëshme të Edi Ramës ku “korrupsioni” dhe shkatërrimi i sistemit arsimor dhe shëndetësor ka qenë kryefjala e qeverisjes së tij 12-vjeçare.
“Ka Fatmir Xhafën që e bën kryekomisioner antikorrupsioni më vëllanë trafikant droge e dhëndërrin ish-drejtor lejesh të Veliajt. Ka Olta Xhaçkën ish ministren me të shoqin investitore strategjike e me një tufë meselesh në prokurori në pritje byzylykësh. Ka Spiropalin ministre me situatë të pahetuar në zgjedhjet me shtabin e Bajrëve e Pëllumb Gjokës e Benetin në Shkodër, e tenderat e ku përmendet bashkëshorti nga inceneratorët. Ka Bushkën e ligjeve ku kompanisë familjare i dalin fije lidhur me 5 e 6 D nga Bashkia e Tiranës. Ka ish-ministrin Damian Gjiknuri, me historitë e puseve të Charlit të FBI e udhëtimet me ustallarët e inceneratorëve. Ka Belinda Ballukun me anijet elektrike në Vlorë 90 mijë dollarë në ditë me zero kilovat prodhim, e me tendera rrugësh të florinjta. Ka Taulant Ballën mosplotësues formulari për njohjet me Suel Çelën, për Toyota Yaris, për përgjimet e asgjësuara kur u vranë Çapjat në Elbasan, për hetimet e vrasjes së avokat Ravik Gurrës po në Elbasan, për masakrën e sistemit TIMS, e mjaft çudira nëpër sky-encro. Ka Olsi Ramën e raportit e OSBE në 2015 për një 200 milionësh euro të vogla, për call centera mashtrim financiar, për Xibrakën e kokainës rikthyer në hetim nga SPAK.
Ka supermarketin vrasës të 46vdekjes në shëndetësi. Ka shpartallimin e edukimit në arsim. Ka dhe ca gjëra të vogla me Ndrangheta e gjeneral Lisit apo Sinaloan e kokainës, e Luftarit të kazinosë e Florian Coldeo këshilltarit gjeneralin e shërbimeve rumune. Ka Artur Shehun vlonjatin e Floridas si investitor strategjik dënuar edhe në Bruksel te Shqiponja e Zezë, pronar me qindra hektarë tokë të sekuestruar por ashtu janë ca punë. Grup investues miliarda euro nga kokaina në Shqipëri. Ka Engjëll Agaçin që bëri fitues Becchettin për 150 milionë euro me një sms, garantor për Shehun te gjenerali italian Lisi, për dhuratë disa hektarë në bregdet, pasi krasiste. raportet për asgjlsime të rreme të canabisit me 99 përqind në Shqipëri. Ka Portin e Durrësit me të pandehurit e arrestuar 50 milionë eurosh, ndërtuesit pretendues. Ka koordinator Agasin e Durrësit me shoqninë e Visit të Pojës së Revanshit, e Griseldën e Vettingut. Nuk gjenden jashtë vëmendje Linda, Gregori, Rea, ku fjollohen shumë punë. Nuk njeh vendime të Gjykatës Kushtetuese as të Strasburgut duke shembur dhunshëm çdo ligj. Kontrolloni kuti bankare e llogari për diamante e florinj, streha ofshor. Sorosi e ka marrë me qera kltë vend e administratori plaçkitës Edi Rama, çmendurisht po shpopullon vendin. Duan vetëm tokën. Doni prova për të gjitha më sipër e shumë xhevahire të Ramës Mafias ortake e ushtarëve të tij. Prokurorë. Dumani dhe 19 të tjerë në SPAK apo 300 nëpër rrethe. Doni të shokoheni për prova të Mafias e Ramës?! Niseni kërkimin në Surrel e jo në Bruksel…Pyesni roje, gardistë, bodrume, çartera të mesnatës, e mjaft, e mjaft…
Mjetet demokratike efikase të dobishme, në kohë vdekje klinike të institucioneve, janë shkrepësja e sinonime të tjera të saj” shkruan Çollaku.
