Një qytetar ka pirë helm jashtë dyerve të Prokurorisë së Posaçme.
Bëhet fjalë për shtetasin e identifikuar me iniciale P.T nga Lezha, ndërsa pasi ka konsumuar helmin është transportuar me urgjencë drejt spitalit.
Personi mësohet se ndodhet në gjendje të rëndë shëndetësore dhe autoritetet përkatëse po kryejnë verifikimet e nevojshme për të zbuluar nëse personi në fjalë vuan nga probleme të shëndetit mendor.
Lezhiani raportohet se çuditërisht ka kërkuar një takim me prokurorët e SPAK-ut, arsyeja ende nuk dihet.
Njoftimi i policisë:
“Më datë 02.07.2024, në rrugën “Panorama”, përballë godinës së Strukturës së Posaçme kundër Korrupsionit dhe Krimit të Organizuar, shtetasi P. T., 63 vjeç, dyshohet se ka konsumuar fostoksinë dhe aktualisht ndodhet në spital nën kujdesin e mjekëve.
Grupi hetimor po punon për sqarimin e rrethanave të ngjarjes”, thuhet ne njoftim.
