INSTAT publikoi pak ditë më parë, pas shumë shtyrjeve, disa të dhëna të Censit 2023, të realizuar gjatë vitit të kaluar.
Gazetarja Ola Xama u shpreh në emisionin “Të Paekspozuarit” se nga regjistrimi i vitit 2011 deri tani, Shqipëria ka 510 mijë banorë më pak.
“Censusi është regjistrimi i popullatës që bëhet një herë në 10 vite. Këtë herë u shty për 2 vite, sepse ndikoi edhe pandemia.
Në 18 shtator 2023 nisi regjistrimi i popullatës se u shty edhe më dy javë të tjera. Tani kemi të dhënat paraprake. Nëse në 2011 ishim 2.82 milionë banorë sot jemi 2.4 milionë pra 420 mijë qytetarë më pak dhe, duke futur këtu edhe 94 mijë të shtesës natyrore, rreth 510 mijë shqiptarë kanë emigruar.
Numri i familjeve është më i vogël, sepse kemi familje më të vogla nga 3.7 në 3.2. Njësitë e banimit janë 757 mijë. Nëse në Censusin e vitit 2011 kishim 20 për qind të banesave pallate sot kemi 47 për qind shtëpi individuale dhe 40 për qind pallate”-tha Xama.
