Italia e mbylli mes zhgënjimit këtë Euro 2024, me axurrët që nuk shkuan përtej fazës së 1/16-ve duke u eliminuar me rezultatin 2-0 nga Zvicra.
Kritikat për skuadrën e trajnerit Luciano Spalletti nuk kanë fund dhe Arrigo Sacchi është një prej atyre zërave që është treguar mjaft i ashpër.
Legjenda e trajningut italian shprehet se lojtarët e Italisë nuk treguan dinjitet në fushë dhe u eliminuan pa luftuar.
“Italia ishte shumë keq në këtë Europian, nuk mund të jesh një kampion nëse nuk jep gjithçka në fushë. Këta lojtarë nuk dhanë asgjë, një eliminim i tillë është i papranueshëm. Në futboll edhe mund të humbasësh, por duhet të japësh gjithnjë një shembull dinjiteti dhe krenarie”.
A do ta prisnit dorëheqjen e Spallettit?
“Jo. Ai ka gabimet e tij, kjo është e sigurt, sepse të gjithë janë përgjegjës. Por, nuk është i vetmi. Duke e fajësuar vetëm atë, duke menduar të zgjidhim gjithçka duke bërë një person përgjegjës, është zgjidhje tipike italiane. Ne do të vazhdojmë të bëj gabime, më vjen keq për Luciano. Ai është një trajner i mirë, kur futesh në një “blender” të tillë…”, tha ai.
