Këtë të premte është mbledhur komisioni hetimor parlamentar për koncesionet në shëndetësi, ku janë marrë në pyetje si dëshmimtarë audituesit e Kontrollit të Lartë të Shtetit.
Audituesja Selime Bregu raportoi se për dy vite e 9 muaj, për periudhën 2015-2017, koncensionari i check up është paguar nga buxheti i shtetit mbi 413 milionë lekë për mbi 455 mijë analiza të pakryera. Sipas saj, fitimi i kompanisë pas këtyre pagesave për shërbime të pakryera është rritur 8-32%.
“Në këtë vit është bërë një përmbledhëse e të gjithë rasteve të pakryera, duke filluar që na viti 2015 deri në vitin 2017. Kontrolle të faturuara dhe të pakryera kanë qenë 455 245 raste, për tre vite, 9 muajt e 2015, viti 2016 dhe viti 2017. Pagesa është rreth 413 716 200 lekë, dëmi në buxhet, kosto shtesë në buxhetin e shetit, që janë paguar pa u kryer asnjë shërbim.
Ne themi kosto shtesë. Këto janë 182 milion kosto variabëel, nga TVSH janë 413 milion lekë. Është bërë analiz për rastet e pakryera, por për efektin nuk e kam një analizë. Në auditimin e parë në 2016, ne kemi konstatuar rritje të fitmit të koncesionarit nga 8 duke shtuar tvsh dhe kostot variable deri në 32 %.
A merr pagesë shtesë për punën e pakryer? Është evidentuar në kontratën financiare, 455 mijë raste në trendin e 10 viteve. Në rastete e tejkalimit koncesionarit nuk do paguhen por do t’i zbriten rastet e pakryera.”, – deklaroi audituesja e KLSH-së Selime Bregu.
Ndërkohë, audituesja tjetër e KLSH-së, Alketa Kalleshi, bëri me dije se në një tjetër auditim të KLSH në 2018-ën është rekomanduar amendimi i kontratës koncencionare të “check up”, detyrë që i është lënë Ministrisë së Shëndetësisë dhe FSDKSH-së, por amendimi i kontratës nuk është realizuar as sot.
Ndryshimet në kontratën e koncensionarit nga ana e KLSH-së është kërkuar për të zgjeruar fashën e moshës së përfituesëve nga “Check up” për shkak se numri i analizave të kryera ka qënë larg përmbushjes së numrit të parashikuar në kontratë (475 mijë analiza në vit), si dhe për të zbutur efektet negative në buxhetin e shtetit për shkak të pagesave për shërbime të pakryera.
“I rikërkojmë FSDKSH në bashkëpunim me Ministrinë e Shëndetësisë dhe në dakordësi me koncensionarin të ndryshojë kushtet e kontratës:
-Përmes modaliteteve shtesë të arrihet masa e kontrolleve mbi të cilat është dakordësuar çmimi i këtiij shërbimi. Nisur nga fakti që numri i analizave është larg pritshmërive të numrit të kontraktuar të shikojë mundësinë e eliminimit të tavanit të sipërm për fashën e përfituesëve të check-up.
-Të ndërmarrë rregullime ligjore për të zvogëluar efektet negative për “pagesa pa shërbim” në këtë koncension.
Rishikimin e pagesës së check up dhe eliminin e kostove shtesë për buxhetin e shtetit për shkak të pagesave për shpenzimet variabël që llogariten rreth 400 lekë për xheck up pa tvsh për kontrollet e pakryera dhe pjesë e amendimit të jetë edhe saktësimi I shërbimit të ofruar në këtë kontratë si një shërbim I përjashtuar nga TVSH.
Nga Ministria e Shëndetësisë janë ngritur grupet e punës për negocimin e kontratës koncensionare për “check up”. Por deri në mbyllje të auditimit nuk na është ofruar një amendim kontrate,” – ka deklaruar audituesja e KLSH, Alketa Kalleshi në Komisionin Hetimor të Shëndetësisë.
