Gjatë fjalës së mbajtur në mbledhjen e grupit parlamentar të PS-së, kryeministri Edi Rama teksa po fliste për të ashtuquajturin, Komisio AntiKorrupsion, ka folur edhe në lidhje me administratën.
Sipas Ramës, ka një pjesë të administratës të bardhë, por ka dhe një pjesë të administratës të zezë, duke i konsideruar këta të fundit si turp kombëtar, turp shtetëror, turp popullor.
Kreu i qeverisë tha se inkurajon prokurorët e SPAK dhe prokuroritë e zakonshme që të bëjnë gjithçka që munden që ta zvogëlojnë përditë atë pjesën e zezë. Rama siç duket kërkon që fajin e korrupsionit t’ia hedhë administratës, por harron se “peshku qelbet nga koka”.
“Shqipëria ka një administratë publike, që ka një pjesë të bardhë, por ka edhe një pjesë të zezë, ku fatmirësisht sot arrin të merret drejtësia, përfitoj nga rasti të falenderoj dhe të inkurajoj prokurorët e SPAK dhe me shpresë edhe të tjerë në prokuroritë e zakonshme që të bëjnë gjithçka që munden që ta zvogëlojnë përditë atë pjesën e zezë që është një turp kombëtar, turp shtetëror, turp popullor, turp për të gjithë. Ama pjesa e bardhë e administratës nuk është opinion, unë kam pasur pagjumësi kur ka nisur procesi i diagnistimit, nga ideja që administrata, sepse në këtë proces është përfshirë një numër i madh punonjësish, ekspertësh drejtuesish të administratës, 1746 persona që nuk kanë shkuar në Bruksel se i kemi zgjedhur ne, por për shkak të pozitës.” – tha Rama.
