Si rrallë herë, kryeministri Edi Rama ka marrë në mbrojtje gazetarët dhe ka sulmuar prokurorët e SPAK.
Gjatë një konference, Rama tha se nuk janë gazetarët ata që nxjerrin sekretin hetimor, por janë prokurorët dhe se gazetarit i bie në dorë informacioni, nuk është më detyrim i tij të ruajë sekretin.
Më tej ai thekson se në Kanun shkruhet e zeza mbi të bardhi lajmësi nuk ka faj, por kush e prodhoi lajmin ose kush ia dha atij është burimi me të cilin duhet të merresh.
“E drejta e informimit nuk është sekret hetimor, përfitoj nga rasti se shoh avokaten e popullit rastin e një gazetari u keqtrajtua për nxjerrjen e sekretit hetimor.
Prokuroria iu vu mbrapa disa gazetarëve dhe për mua gazetarët nuk nxjerrin sekret hetimor, nuk i disponojnë, sekretet i disponojnë prokurorët kur gazetarit i bie në dorë sekreti nuk është më detyrim i tij të ruajë sekretim dhe nuk shkon drejt tij hetimi por drejt atyre që ia dhanë atij është elementare, që në Kanun shkruhet e zeza mbi të bardhi lajmësi nuk ka faj, kush e prodhoi lajmin ose kush ia dha atij është burimi me të cilin duhet të merresh.
E them për të nënvizuar që informacioni mbi gjithçka që institucionet publike bëjnë dhe mbi gjithçka që ekziston me vulë dhe firmë dhe nuk përfshihet në hapësirën e ngushtë që ligji e përcakton, ku hyn edhe sekreti hetimor është pronë publike”, tha Rama.
