Policia e Tiranë ka vënë në pranga 5 persona për dhunë ndaj së ëmës, bashkëshortes dhe bashkëjetueses.
“Specialistët për Hetimin e Krimeve të Komisariatit të Policisë Nr. 1 ekzekutuan vendimin penal për shtetasin E. D., 47 vjeç, banues në Tiranë, të cilit Gjykata e Apelit e Juridiksionit të Përgjithshëm i ka caktuar masën e sigurisë “Arrest në burg”, për veprën penale “Dhuna në familje”.
Specialistët për Hetimin e Krimeve të Komisariatit të Policisë Nr. 3 arrestuan shtetasit:
– S. P., 38 vjeç, banues në Kamëz, pasi dyshohet se ka ushtruar dhunë ndaj nënës së tij;
– O. M., 40 vjeç, banues në Kosovë, pasi dyshohet se ka ushtruar dhunë ndaj bashkëjetueses së tij.
Specialistët për Hetimin e Krimeve të Komisariatit të Policisë Nr. 5 arrestuan shtetasin A. B. (S)., 36 vjeç, banues në Kamëz, pasi dyshohet se ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 6 arrestuan shtetasin F. G., 47 vjeç, banues në Tiranë, pasi dyshohet se ka ushtruar dhunë ndaj bashkëshortes së tij dhe ka tentuar ta godasë atë, me mjet të fortë.” – njofton policia.
Materialet i kaluan Prokurorisë.
