Grupi i hakerave, i ashtuquajtur “Homeland Justice”, vazhdon të publikojë dokumente të marra elektronikisht nga institucionet shqiptare apo kompanitë e mëdha telefonike, që përmbajnë të dhëna personale të qytetarëve shqiptarë.
Ditën e sotme, “Homeland Justice” ka publikuar në grupin e tyre në “Telegram” dokumenti me të dhënat personale të 65 mijë qytetarëve shqiptarë si numër ID, emër, mbiemër, gjini, vendlindje, vendbanim si dhe numrat e celularëve.
Më poshtë mund të gjeni një pjesë të dokumentit, me disa të dhëna të mbuluara nga redaksia, për shkak të moscënimit të privatësisë.
Krahas këtij dokumenti, “Homeland Justice”, shkuan edhe “Nëse dikush thotë: Unë e adhuroj Zotin” dhe urren vëllanë e tij, ai është hipokrit; sepse ai që vret vëllanë e tij që e ka parë, nuk mund ta dojë Perëndinë që nuk e ka parë’.
Lista është me të dhënat e vetëm 65 mijë qytetarëve, por dyshohet se hakerat i kanë dokumentet me të dhënat e të gjithë shqiptarëve.
Kjo nuk është hera e parë që ky grup publikon të dhëna sensitive për qytetarët shqiptarë si edhe për institucionet publike dhe private. Deri më sot askush nuk ka mbajtur përgjegjësi, pavarësisht cënimit të privatësisë së qytetarëve shqiptarë.
