Tiranë është skuadra e cila në këtë merkato vere ka qenë jashtëzakonisht aktive.
Kështu, skuadra bardheblu si fillim ndërroi gjithë stafin teknik me në krye Bledi Shkëmbin dhe ndihmësit e tij.
Më pas klubi bardheblu afroi disa lojtarë, duke filluar nga Akileu Ndreca, i cili nuk është prezantuar ende, Arhan Isuf, Qëndrim Ismajli, Edison Kola, Aldi Gjumsi, Fatmir Prengaj, Romeo Harizaj, Henri Marku, Ian Soler.
Në skuadër janë nëntë afrime, të cilat janë jo pak për një skuadër që deri dje ishte bosh. Bardheblutë kanë rinovuar me dyshen Përgjoni-Mici, ndërsa të larguarit janë Erjon Hoxhallari, Bruno Lulaj, Kristal Abazaj, Ardit Deliu, Regi Lushkja, Patrik Robson, dhe Liridon Latifi.
Ndërkohë e ardhmja Filip Najdovskit është në dyshim i cili prej kohësh është në bisedime me klubin për rinovimin e kontratës.
