Një 28-vjeçar dhe një 16-vjeçar, janë proceduar penalisht nga Policia e Dibrës, pasi po kryenin një shpërthim me fishekzjarre dhe flakë mbrëmjen e djeshmë në ambientete e një shkolle 9-vjeçare.
Ndaj 28-vjeçarit ka nisur hetimi nga policia. Këta dy persona kanë organizuar mesnatën e djeshme një shpërthim me fishekzjarre dhe flakë.
“Drejtoria Vendore e Policisë Dibër, ka marrë një sërë masash, për goditjen dhe parandalimin e këtij fenomeni shqetësues, dhe si rezultat i monitorimit të situatës në terren, gjatë mesnatës janë kapur në flagrancë 2 shtetas, konkretisht shtetasi L.B., 28-vjeç, sëbashku me një 16-vjeçar, duke organizuar një shpërthim me fishekzjarre dhe flakë, në oborrin e një shkolle 9-vjeçare, në qytetin e Peshkopisë’, thuhet në njoftimin e policisë.
Hetimet për 28-vjeçarin do të kryhen për veprat penale “Prishja e qetësisë publike” , “Shkelja e rregullave mbi përdorimin e lëndëve plasëse” dhe “Keqtrajtimi i të miturit”.
Ndërkohë policia bën thirrje për rastet e konstatimit të lëndëve piroteknike se personat përgjegjës do të ndëshkohen me masë administrative deri në procedim penale
