Një shpërthim me trtiol është regjistruar në orët e para të mëngjesit të kësaj mërkure në qytetin e Shkodrës.
Autoritetet policore raportojnë se një sasi eksplozivi i është vendosur automjetit të shtetasit K. S., 50 vjeç, i cili është me detyrë efektiv Policie.
Makina ka qenë e parkuar në oborrin e banesës së policit, teksa eksplozivi i ishte vendosur tek goma e pasme e automjetit. Si pasojë e shpërthimit është dëmtuar pjesërisht automjeti.
Ngjarja ka ndodhur rreth orës 04:00 të mëngjesit, në lagjen “Tepe”. Në vendngjarje kanë shkuar forcat e Policisë të cilat vijojnë kontrollin në zonë.
Grupi hetimor nën drejtimin e Prokurorisë po kryen veprimet për sqarimin e rrethanave të ngjarjes, identifikimin dhe kapjen e autorit/eve
