Një sasi prej 35 ton kokaine me një vlerë prej 2.6 miliardë eurosh është sekuestruar në Gjermani. Si rezultat janë arrestuar 8 persona, ku mes tyre raportohet se është dhe një shqiptar.
Sipas BILD, banda drejtohej nga një shtetas turk, ndërsa anëtarëtqë u vunë në pranga janë: dy gjermanë (43 dhe 54 vjeç), një shqiptar (42 vjeç), një bullgar (30 vjeç), një maroken (42 vjeç), dy turq (37 dhe 38 vjeç) dhe një ukrainas (36 vjeç).
“Kjo është një goditje e madhe për krimin e organizuar ndërkombëtar” – tha ministri i Drejtësisë, Benjamin Limbach.
Prokurorët në qytetin perëndimor të Dyseldorfit thanë se kokaina ishte sekuestruar vitin e kaluar, pas një njoftimi nga autoritetet kolumbiane, por nuk ishte njoftuar më parë. Ata gjetën 25 ton kokainë në portin në qytetin verior të Hamburgut, 8 ton të tjerë në portin holandez të Roterdamit dhe pothuajse 3 ton në Kolumbi. Droga ishte e fshehur mes perimeve dhe frutave.
Duke punuar me Europolin në një operacion të njohur si OP Plexus, autoritetet gjermane identifikuan tetë të dyshuarit, të cilët u arrestuan javët e fundit dhe besohet se kanë qenë pjesë e trafikut të drogës. Identiteti i tyre nuk u bë publik në përputhje me rregullat gjermane të privatësisë.
Personat akuzohen se sillnin kokainën në Evropë nga Amerika Latine përmes kontejnerë me arka me ananas dhe thasëve me fara susami.
Pas sekuestrimit sasia e drogës u transportua në mënyrë të sigurt nga tanket e policisë në objektet e magazinimit top-sekret dhe më pas u asgjësia me anë të djegies.
Policia sekuestroi disa telefona celularë dhe laptopë, si dhe shufra ari, 23,300 euro para në dorë dhe një makinë Porsche me vlerë rreth 250,000 euro.
Një biznesmen nga shteti gjerman perëndimor i Rhein-Westfalisë së Veriut krijoi kompani për t’i bërë transportet të dukeshin të ligjshme, thanë ata.
