Sot është dita e 4-të e edicionit të 17-të të kampionatit europian “Gjermani Euro 2024”, e cila do të ketë tre ndeshje të vlefshme për fazën e grupeve.
Në orën 15:00 Rumania do të përballet me Ukrainën në ndeshjen e parë të Grupit E. Ndërsa dueli i dytë i grupit E do të luhet në orën 18:00 mes Belgjikës dhe Sllovakisë. Belgjika shihet si favorite e grupit, teksa ekipet e tjera do të luftojnë për të kapur vendin e dytë.
Në mbrëmje do të zbresë në fushë, një nga pretendët kryesorë për të fituar trofeun. Bëhet fjalë për Francën, e cila do të përballet në orën 21:00 me Austrinë, në ndeshjen e vlefshme të grupit D. Franca do të kërkojë fitore, për t’i marrë kreun Holandës e cila dje mposhti Poloninë me shifrat 2-1.
