Partia Demokratike ka denoncuar se si anëtarët e Komisionit të Vlerësimit të Ofertave janë shantazhuar nga eprorët për të shpallur fitues disa operatorë për disa procedura prokurimi për punë civile.
Paralajmërimin Partia Demokratike e bëri që më 23 Maj, ku në atë kohë i përmendi kompanitë fitues vetëm me iniciale, dhe duke se denoncimi ka rezultuar i vërtetë.
Më konkretisht bëhet fjalë për tenderin për rrugën Berat-Ballaban të dhënë nga ARRSH për vlerën 19.7 milion euro dhe të fituar nga dy kompanitë “COBIAL” shpk & “BILGIN TAAHHUT INSAAT MADENCILIK SAMAYI VE TICARET LTD”. Tenderi është konsideruar me “flamur të kuq”, pasi janë skualifikuar të gjithë operatorët e tjerë përveç fituesit.
Po ashtu, bëhet fjalë edhe për tenderin për zgjerimin e rrugës së Ksamilit me vlerën 14.2 milion euro të fituar nga kompanitë “AGBES CONSTRUKSION”,”BALILI KONSTRUKSION” dhe “ARTI” sh.p.k. Edhe për këtë tender janë skualifikuar të gjithë operatorët pjesëmarrës përveç fituesit, duke u konsideruar po ashtu me “flamur të kuq”.
Gjithashtu, bëhet fjalë edhe për tenderin e zgjerimit të rrugës Elbasan – Qafë Thanë, Faza V, me vlerë fituese 24 milion euro ose 99% e vlerës limit, tender i cili është fituar nga kompania “GJOKA KONSTRUKSION”. Edhe për këtë tender janë skualifikuar të gjithë operatorët pjesëmarrës përveç fituesit dhe po ashtu është konsideruar me “flamur të kuq”.
Fituesit e tre tenderave të mësipërm ishin paralajmëruar nga Partia Demokratike që më 23 Maj, ku denoncoi në atë kohë se eprorët po u bënin shantazh anëtarëve të Komisionit të Vlerësimit të Ofertave, për të firmosur fituesit.
Denoncimi i mësipërm është publikuar në një deklaratë për mediat nga selia blu nga zëdhënësja e antikorrupsionit në PD, Genta Vangjeli, e cila deklaroi se tenderat po përdoren për favoret politike dhe krerët e ARRSH e caktojnë paraprakishit fituesit.
LEXO EDHE: Korrupsioni me tenderat e ARRSH/ Denoncimi: Eprorët shantazh punonjësve për shpalljen e fituesve
DEKLARATA E ZËDHËNËSES PËR ANTIKORRUPSION NË PD, GENTA VANGJELI:
Pak ditë më parë Partia Demokratike denoncoi Autoritetin Rrugor Shqiptar lidhur me shpalljen e fituesve për disa procedura prokurimi për punë civile, për të cilët anëtarët e Komisionit të Vlerësimit të Ofertave po shantazhohen nga eprorët për t`i shpallur fitues këta operatorë.
Konkretisht për procedurat ofertat e të cilave u hapën në datën 08 Maj 2024, me objekt:
Ndërtim rruga Berat-Ballaban, subjekti që pritej të shpallej fitues, dhe sic u paralajmërua nga ne, ishte firma me iniciale “C’ shpk.
Në datën 5 Qershor ARRSH shpalli këtë fitues kundrejt vlerës 19.7 milion euro.
Sipas Open Data procedura është vlerësuar me Flamur të kuq që dmth skualifikim i të gjithë operatorëve përveç fituesit.
Zgjerimi i rrugës së Ksamilit subjekti që pritej të shpallej fitues, siç u paralajmërua nga ne, ishte kompania me inicialet “A. C” shpk
Në dt 4 Qershor ARRSH shpalli fitues kundrejt vlerës 14.2 milion euro operatorin e paralajmëruar nga PD.
Sipas Open Data edhe për këtë procedurë u skualifikuan të gjithë operatorët pjesëmarrës përveç fituesit.
Procedura me objekt: Zgjerimi i rrugës Elbasan – Qafë Thanë, Faza V, subjekti që pritej të shpallej fitues, siç u paralajmërua nga PD, ishte kompania inicialet G..C…. shpk.
Në dt 3 Qershor ARRSH shpalli këtë fitues kundrejt vlerës 24 milion euro ose 99% e vlerës limit.
Sigurisht që edhe për këtë procedurë u skualifikuan të gjithë operatorët pjesëmarrës përveç fituesit.
Siç edhe theksuam në deklaratën tonë të mëparshme punët publike nuk i nënshtrohen konkurencës e cila mundëson që gara dhe shqyrtimi profesional të zotërojnë, por përdoren favoret politike.
Për të shmangur çdo rrezik gjatë garës krerët e ARRSH e vendosin paraprakisht fituesin.
Korrupsioni me tenderat e ARRSH/ Denoncimi: Eprorët shantazh punonjësve për shpalljen e fituesve
