Dy këngëtarët e njohur korçarë, Endri dhe Stefi Prifti kanë humbur babain e tyre ditën e sotme.
Lajmin e trishtë e kanë bërë të ditur vetë dy artistët përmes një postimi në rrjetet sociale, të cilët ndër të tjera thonë se marrëdhënia e tyre nuk ka qenë fort e mirë.
Sipas këngëtarëve korçarë, mund të duket e çuditshme, por është e vërtetë fakti që ata nuk kanë asnjë kujtim me të atin e tyre, madje asnjë foto. Ata theksojnë se janë rritur nga nëna e tyre, por sipas tyre, gjaku nuk bëhet ujë.
“Përshëndetje familjare, shoke, miq dhe fansa te kësaj faqeje te madhe! Ju bëjmë me dije, se sot dt 12.6.2024 ndërroi jete babai jone Serafin Prifti. Sido ka shkuar marrëdhënia jone familjare, përsëri gjaku nuk behet ujë. ADN-ja jone ka 50% te gjakut te Tij. Ne nuk kemi asnjë kujtim me te:.. asnjë foto…! E dhimbshme por e vërtetë.
Për shume njerëz ndoshta duket i çuditeshim ky fakt, por ashtu rrodhi jeta jone me njeriun qe na beri kokën…! Ne jetuam, u rritem dhe u shkolluam me nenën tone heroine, qe sakrifikoi jetën e Saj për te tre ne, fëmijët e kësaj martese. Nuk dua te shkruaj me tepër ne këtë dite humbjeje. Varrimi behet nesër ne orën 12:00”, shkruajnë Endri dhe Stefi Prifti.
