Një i ri është arrestuar nga Policia e Tiranës, pasi akuzohet se ka përplasur me automjetin e tij një të mitur dhe është larguar nga vendi i ngjarjes.
Në pranga është vënë shtetasi F. A., 33 vjeç, banues në Tiranë. Sipas bluve të kryeqytetit, ky shtetas duke drejtuar automjetin tip “Audi”, ka aksidentuar një shtetas 10 vjeç dhe më pas është larguar nga vendi i aksidentit.
Ngjarja ka ndodhur në rrugën “Kongresi i Manastirit”, teksa i mituri ndodhet në spital, në kujdesin e mjekëve.
Materialet proceduriale i kaluan Prokurorisë së Tiranës.
