Gjashtë automjete të një biznesi për dhënien e makinave me qira janë djegur gjatë natës së kaluar në Kamëz, ku janë përfshirë nga flakët masive.
Ngjarja ka ndodhur rreth orës 04:00, në rrugën “Donald Trump”, teksa burime për mediat bëjnë me dije se dyshohet për zjarrvënie të qëllimshme.
Automjetet që janë djegur i përkasin biznesit “Auto Hoxha”, teksa dëmi konsiderohet i madh. Mësohet se në listën e mjeteve të shkrumbuara janë: një “Golf 6”, një “Golf 5”, një “Audi A6”, dy “KIA” dhe një “Mercedes S-Class”.
Burime për JOQ bëjnë me dije se Policia ka siguruar pamjet e kamerave të sigurisë, të cilat kanë kapur autorin në momentin kur i ka vënë zjarrin automjeteve, teksa janë publikuar edhe pamjet kur shkrumbohen makinat.
Grupi hetimor po punon për sqarimin e rrethanave të ngjarjes.
View this post on Instagram
