Federata spanjolle e futbollit (RFEF) njoftoi mbrëmjen e sotme se trajneri Luis de la Fuente ka rinovuar kontratën deri në vitin 2026 në krye të ekipit kombëtar të meshkujve.
Spanjolli De la Fuente, 62 vjeç, mori drejtimin nga Luis Enrique në vitin 2022 pasi “La Roja” u eliminua nga Kupa e Botës.
De la Fuente udhëhoqi vendin e tij drejt titullit të Ligës së Kombeve të vitit të kaluar dhe i ndihmoi ata të kualifikoheshin për Kampionatin Evropian në Gjermani.
“RFEF ka informuar trajnerin kombëtar për miratimin përfundimtar të rinovimit të kontratës së tij, siç u njoftua në shkurt, si dhe rinovimin e stafit të tij stërvitor”, tha organi drejtues.
“Ai gjithashtu mbikëqyri një fushatë fantastike kualifikuese për Kampionatin Evropian të kësaj vere”, shtoi ajo.
Spanja luan me Kroacinë më 15 qershor në ndeshjen e saj hapëse të “Euro 2024” pas miqësoreve para turneut të kësaj jave kundër Andorrës dhe Irlandës së Veriut.
