Një aksident automobilistik është regjistruar këtë të martë në qytetin e Korçës.
Autoritet policore raportojnë se automjeti tip “Audi” me drejtues shtetasin S. H. është përplasur me motomjetin me drejtues shtetasin A. A., 27 vjeç. Ngjarja ka ndodhur në lagjen nr. 10 të qytetit juglindor në rrugën “Niko Kovaçi”.
Si pasojë e aksidentit ka mbetur i plagosur drejtuesi i motorit, i cili është dërguar me urgjencë në spital për të marrë ndihmë mjekësore.
Grupi hetimor po punon për sqarimin e rrethanave të aksidentit.
