Ish-kryebashkiaku i Kamzës dhe njëkohësisht deputeti i PD-së, Xhelal Mziu është paraqitur këtë të hënë në Prokurorinë e Posaçme (SPAK). Fletë-thirrja Xhelal Mziut mësohet se i është dërguar nga prokurori Elvin Gogaj.
Pas marrjes në pyetje, në një prononcim të shkurtër për mediat, ai tha se u pyet për një kallëzim të bërë nga këshilltarët e bashkisë në vitin 2019.
“Ishte thjeshtë një denoncim nga këshilltarët e PD-së, në lidhje me një tender pastrimin. Ka ndodhur në vitin 2019. Isha si person në dijeni”, tha Mziu.
