Qytetarë të shumtë janë mbledhur sërish para Bashkisë së Tiranës ku po protestojnë duke kërkuar dorëheqjen e kryebashkiakut Erion Veliaj.
Këtë të martë kjo protestë është hapur me flakadanë e shishe molotovi. Siç shihet edhe nga pamjet protestuesit kanë hedhur molotovë në drejtim të hyrjes së Bashkisë së Tiranës.
Me pankarta në duar, protestuesit kërkojnë largimin e kryebashkiakut Erion Veliaj, pas skandalit me dosjen “5D”, ku në pranga ranë disa drejtorë të Bashkisë së Tiranës dhe janë nën hetim dhe disa të tjerë.
