Detaje të reja kanë dalë nga ngjarja e rëndë e regjistruar pasditen e sotme (24 maj) në Tiranë, teksa një efektive policie ka vrarë veten me armën e shërbimit.
Mësohet se efektivja quhet Aldorjana Loshi dhe ishte vetëm 21 vjeçe. Në momentin që i mori jetën vetes, e reja ndodhej vetëm në banesë në zonën e Ali Demit.
Ndërkohë që detyrën e saj e ushtronte në komisariatin numër 5 në Kamëz. Ndërkohë që pas të shtënave, kanë ndërhyrë zjarrfikësit, të cilët me forcë kanë hapur derën dhe kanë bërë të mundur të futën në skenën e krimit.
Ajo prej afro një viti e gjysëm punonte si efektive e patrullës në qytetin e Kamzës, ndërsa në punë nuk ka pas shfaqur asnjë shqetësim.
Efektivja Aldorjana Loshi jetonte me qira me nenën dhe vëllain që e ka më të vogël.
Ende nuk dihen detaje në lidhje me shkaqet që çuan efektivën drejt vetëvrasjes. Në vendngjarje ka shkuar policia dhe grupi hetimor për të sqaruar rrethanat e ngjarjes.
- Shoqërohet në polici i dashuri i efektives
Por sipas burimeve dyshohet se Policia e Tiranës ka shoqëruar të dashurin e 21-vjeçares. Burimet thonë se ata kanë pasur një debat së fundmi me njëri-tjetrin.
Debati me të dashurin dyshohet se mund të ketë qenë arsyeja që mund të ketë çuar 21-vjeçaren drejt aktit të rëndë.
Lidhur me ngjarjen është ngritur një grup i posaçëm hetimor i cili po vijon hetimet për të zbardhur rrethanat e plota të ngjarjes së rëndë.
- Pamjet poshtë banesës së efektives:
