PAOK-u i Selanikut është kampion i Greqisë për sezonin 2023-2024.
Skuadra e drejtuar nga Razvan Lucescu mposhti 2-1 Arisin në derbin e Selanikut dhe automatikisht mbylli kampionatin helen në vendin e parë.
Brandon Thomas i dha avantazhin PAOK-ut në minutën e 30-të të takimit.
Me informacionet që AEK-u ishte duke triumfuar ndaj Lamias, PAOK-u u hodh përpara në sulm dhe gjeti golin e dytë me anë të brazilianit Taison.
Michialidis u ndëshkua me kartonin e dytë të verdhë për PAOK-un në minutën e 78’.
Deri në fund, me gjithë frikën e skuadrës mike, nuk pati më ndryshime të rezultatit, me PAOK-un që siguroi titullin e katërt në histori.
Në ndeshjen tjetër, AEK-u i Athinës kishte përballjen më të lehtë të javës së fundit, ku luajtën ndaj Lamia-s në shtëpi. Takimi u vendos që në pjesën e parë me 2 golat e vendasve, duke mbajtur njërin sy te ndeshja e PAOK-ut. E gjithë përballja përfundoi 3-0
Në kupat e Europës do të shkojë edhe Olympiacos, i cili barazoi 2-2 në transfertë ndaj Panathinaikos. Podence dhe Jovetic iu përgjigjën golave të Bakasetas dhe Bernard dhe sigurojnë biletën e “Conference League”
