SPAK sot firmosi 50 urdhërarreste pas zbërthimit të disa prej ngjarjeve kriminale më të bujshme në vend.
Në këto urdhër arreste, është edhe emri i oficerit të policisë Klodian Shahini, i cili 8 vite më parë, u denoncua nga Partia Demokratike si bashkëpunëtor në mbjelljen e Kanabisit në Qarkun e Lezhës.
Partia Demokratike në një dalje për mediat në 2016 tha se transferimi i dy agjentëve të policisë, që ndoqën operacionet për kapjen e drogës në Rrëshen është dëshmi se Kryeministri qëndroi në anën e trafikantëve dhe kundër oficerëve, burrave e grave me integritet që luftojnë drogën.
Në atë periudhë Klodian Shahini, u transferua nga shef Seksioni për Hetimin e Krimeve në Komisariatin e Policisë Kurbin si shef Seksioni për Hetimin e Narkotikëve në D.V.P.Lezhë.
