Nënkryetarja e Komisionit të Ligjeve, deputetja demokrate Dhurata Çupi ka kundërshtuar nismën e socialistëve për ligjin për privatizimin e ndermarrjeve shteterore.
Në komisionin e Ligjeve, Çupi, i cilësoi ndryshimet si klinteliste, ndërsa tha se po deformohen aktet normative te deri tanishme, duke normuar me ligj privatizimet e pronave shtetërore në interesa të individeve të lidhur me pushtetin.
Ai e konsideroi si skandalin e radhës të kësaj qeveria, teksa sipas saj, socialistët duhet të hetohen, pasi nuk mund të abuzojnë kaq hapur.
“Ky është një skandal i rradhës. Një turp si po merren e abuzohet me pronat shtetërore. Nga viti 2013 s’keni asnjë vendim qeverie për të kaluar bashkive pronat shtetëore. S’keni asnjë pronë shtetërore që ja kaloni ish pronarëve. Dhe sot sillni një propozim që pronën shtetërore ta shkëmbeni me pasuri private. Ku jeni këtu? Ju duhet të hetoheni të gjithë . Nuk mundet të abuzoni kaq hapur. Përse nuk reagojnë përfaqësuesit e ministrisë që kanë vite eksperincë. Përse nuk reagoni ju specialistët e drejtorisë se privatizimeve ? Turp”, tha Çupi.
