Një sherr me pasojë plagosjen e një personi ka ndodhur mes shqiptarëve në një apartament në Sorbolo Mezzani, Parma, Itali.
Një 33-vjeçar u shtrua në gjendje të rëndë në spitalin Maggiore në Parma pasi u godit me thikë.
Sulmi ka ndodhur mbrëmjen e së premtes në kulmin e një debati të dhunshëm që ka lindur për arsye të parëndësishme mes të njohurve të kombësisë shqiptare, raportojnë mediat italiane.
Ndërhyrja e karabinierëve shmangi pasoja të mëtejshme dramatike.
Pas konstatimit të ngjarjes, policia arrestoi me urdhër të Prokurorisë dy vëllezër shqiptarë të moshës 40 dhe 32 vjeç, të akuzuar për bashkëpunim në vrasje në tentativë dhe u dërguan në paraburgim në Parma.
