Një ngjarje e rëndë është regjistruar pasditen e djeshme në Elbasan, ku një i ri ka humbur jetën tragjikisht.
Autoritetet policore raportojnë se viktima është shtetasi A. S., 27 vjeç, banues në fshatin Gjinar. Sipas burimeve zyrtare, nga veprimet hetimore paraprake dyshohet se 27-vjeçari, në gjendje të dehur dhe në kushte të rënduara psikologjike, ka thyer xhamin e dritares së banesës së tij dhe si pasojë është dëmtuar në krah.
Ai është dërguar me urgjencë në spitalin e Elbasanit, ku ka mbërritur rreth orës 17:30. Pavarësisht asistencës mjekësore, 27-vjeçari ka humbur jetën në spital, mëngjesin e sotëm.
Materialet procedurale i kaluan Prokurorisë së Elbasanit për veprime të mëtejshme.
