Një epokë e bukur po përfundon, plot gola, trofe dhe një dashuri e jashtëzakonshme reciproke me tifozët. Ciro Immobile është gati të largohet nga Lazio në fund të sezonit, duke nisur kështu një aventurë të re.
Tani mbetet të shihet nëse Ciro do t’i dorëzohet milionave që vijnë nga Arabia Saudite apo do të përpiqet të vazhdojë karrierën e tij në Evropë.
Me largimin gjithnjë e më të sigurt të Immobile, nis gjuetia e Lazios për sulmuesin e ri. I preferuari i Tudor, nuk ka dyshim, është Cholito Simeone.
Së bashku, ata kanë bërë gjëra të mëdha te Verona kur sulmuesi argjentinas shënoi 17 gola në kampionat, çka solli edhe gatishmërinë e Napolit për blerjen e kartonit.
