Një ngjarje e rëndë ka ndodhur paraditen e së entes në fshatin Bodrishtë të Dropullit.
Bëhet me dije se një çift bashkëshortësh janë gjetur pa shenja jete në ambientet e banesës së tyre.
Viktimat janë identifikuar: Kosta Ilia, (84 vjeç) dhe Kleoniqi Ilia, (88 vjeçe), në trupin e të cilëve janë konstatuar shenja dhune që dyshohet se janë shkaktuar nga goditjet me sende të forta.
Në një reagim pa shumë detaje, uniformat blu bëjnë me dije se në banesë nuk janë konstatuar thyerje të xhamave, apo dyerve, ndërkohë që rrethanat e krimit të rëndë janë ende misterioze.
Policia njofton paraprakisht se trupat e viktimave janë dhunuar barbarisht me mjete të forta.
Policia njofton se ndodhet në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes së rënë që ka shokuar komunitetin.
- Njoftim i “thatë” nga policia për krimin e rëndë
“Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.
Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.
Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes“– njofton policia.
- Salianji flet për ngjarjen e rëndë në Dropull: Vjedhjet shkojnë deri në vdekje
Deputeti demokrat Ervin Salianji ka reaguar për krimin monstruoz në Dropull ku dy moshuar janë dhunuar për vdekje në banesën e tyre.
Në interpelancën me ministrin e Brendshëm Taulant Balla, Salianji deklaroi se policia e shtetit ka dështuar pasi janë rritur ngjarjet kriminale.
Salianji theksoi se është alarmante siguria e ulët për familjet shqiptare të cilat ndihen të kërcënuara nga grabitësit që tashmë nuk kursehen dhe marrin jetë njerëzish të pafajshëm.
“Si mund të besohet Policia e Shtetit ku në mes të Tiranës ndërtohen 7 kate pa leje. Policia nuk i sheh në mes të qytetit, por po ndërtoi njeri në mes të fshatit ia merrni shpirtin dhe i çoni statistikat siç e keni çuar për dënimin e mijërave qytetarëve shqiptarë. Tragjike ngjarje e sotme në Dropull. Dy të moshuar kanë shenja dhunë. Ka vjedhje të i cilat shkojnë në vdekje. Është tmerr për qytetarët shqiptarë që nuk ka kontroll policia. Disa ditë më parë iu vendos tritol gjyqtarit në Shkodër, ngjarje që nuk ndodhin,. Keni ngjarje të pazbardhura që i citon raporti iu DASH”, tha Salianji.
- Kriminaliteti në vend/ Balla në interpelancë: Nuk jemi më në dhjetëshen e zezë të Evropës
Ministri i Brendshëm, Taulant Balla gjatë fjalës që mbajti në interpelancën e kërkuar nga deputeti i PD, Ervin Salianji, tha se Shqipëria nuk bën më pjesë në dhjetëshen e zezë të Europës, sa i takon nivelit të kriminalitetit.
Ai tha se gjatë muajit prill në 2024 në vend nuk kishte asnjë jetë të humbur nga përdorimi i armëve të zjarrit dhe kjo u shpreh Balla tregon shkallën e ulët të kriminalitetit.
“Kemi uljen më të lartë në 2023 krahasuar me vendet e Ballkanit Perëndimor. Por dhe krahasuar dhe me vendet e tjera të Evropës. Jemi përmirësuar. Nuk jemi më në dhjetëshen e zezë të Europës sa takon kriminaliteti. Në muaji prill 2024, nuk kishim asnjë jetë të humbur me armë “, tha Balla.
- Flet fqinja: Ishin çift i lumtur, nuk kishin probleme
Fqinjët në Dropull kanë mbetur të shokuar nga vdekja misterioze e çiftit të moshuar, trupat e të cilëve kishin shenja dhune.
Gjatë prononcimeve të shkurta ata deklarojnë se dy viktimat nuk kishin asnjë konflik me komunitetin, ndërsa ngrenë dyshime për një grabitje të mundshme.
Fqinja e Kosta Ilia, (84 vjeç) dhe Kleoniqi Ilia, (88 vjeçe) deklaron se vazhdimisht shtëpi të moshuarish kanë rënë pre e grabitësve.
“Ka një motër në Athinë. I thamë kësaj shko shikoje si është puna, nuk kemi dëgjuar asnjë zhurmë gjatë natës. Kemi pasur këtë probleme me vjedhjen, vrasin njerëz kështu të pafajshëm. Këtë periudhë në zonë kemi pasur probleme me vjedhje. Kanë kaluar dy vite nga vjedhja e fundit. Ishin çift i lumtur nuk kishin konflikte me asnjë tjetër. Nuk kishin fëmijë, ata ishin për njëri-tjetrin”, tha fqinja.
- Pamje nga vendi i ngjarjes, banesa e të moshuarve
