Drejtuesi politik i PD-së për Tiranën, Belind Këlliçi, deklaroi nga protesta që po mbahet te Bashkia e Tiranës, se nuk do të tërhiqen nga beteja kundër hajdutit Veliaj.
Këlliçi theksoi se drejtorë të tjerë të Erjon Veliajt presin që të strehohen tek shokët e aferës 5D, ndërsa shtoi se ky është rast unikal që një kryetar bashkie të tregohet me gisht si pronar faktik i inceneratorit të Tiranës.
“Do jemi këtu për bandën e 5D. Janë një sërë drejtorësh që presin të strehohen tek shokët e tjerë të 5D, si Herion Rrapaj e të tjerë.
Elton Kacidhja, banditi i Zall Herrit Arben Maloku të gjithë e keni vendin aty ku ndodhen drejtorët e tjerë.
Ne nuk tërhiqemi. Është rast unikal në Shqipëri, që një kryetar bashkie tregohet me gisht si përtfitues dhe pronar faktik i inceneratorit të Tiranës”, tha Këlliçi
