Këshilltari për Çështjet Ekonomike në PD dhe njëkohësisht Nënkryetar i Këshillit Bashkiak Tiranë, Dorjan Teliti denoncon vjedhjen prej 700 euro që i është bërë çdo familjeje në kryeqytet.
Teliti i bën thirrje Veliaj dhe këshilltarëve të tij të pranojnë sot në kërkesën e tij për transparencë.
Më poshtë reagimi i Telitit:
“700 euro për familje, kaq na kushton abuzimi dhe vjedhja e 160 milionë eurove të inceneratorit & 5D.
700 euro për familje pavarësisht se je cift i ri me kredi apo pensionist i zhytur në varfëri, pavarësisht se je sipërmarrës në prag falimenti apo një fermer tiranas i braktisur.
700 euro për familje deri më sot, vetëm për këto dy afera…imagjinoni sa mund rritet kjo vlerë e abuzuar dhe e vjedhur nëse Veliaj dhe këshilltarët e tij do zbatonin ligjin dhe do lejonin sot në mbledhje të Këshillit Bashkiak ngritjen e Komisionin të Kontrollit Financiar dhe auditimin e huaj të pavarur, kërkesa këto të panegociueshme të opozitës.
Transparenca do bëhet dhe e vërteta do të zbardhet. Sot në 16.30 të gjithë bashkë para Bashkisë Tiranë në protestë deri në dorëheqjen e Kryebashkiakut”, shkruan Teliti.
Lexo edhe:
“O hajdut”/ Erion Veliaj thirret në SPAK për aferën miliona euro
