Kreu i Këshilltarëve të PD në Bashkinë e Tiranës, Ilir Alimehmeti, ka folur sërish pasditen e sotme mbi aferën “5D”, dhe qasjen që kryebashkiaku Veliaj ka treguar lidhur me rastin.
I ftuar në Syri TV, Alimehmeti është shprehur se Veliajt i kanë shuar 3 fletëthirrje nga SPAK, dhe nuk mund të pretendojë sikur nuk di gjë lidhur me aferën.
Ai shprehet se Këshilli Bashkiak ka për detyrë të mbikqyrë dhe kontrollojë funksionin e Bashkisë, ndërkohë që drejtuesit e Këshillit nuk e mbledhin, duke shpërdoruar detyrën.
“Këtu ka një fakt, për implikimin e Erion Veliajt. A kanë ndodhur vjedhjet gjatë kohës kur Veliaj ishte Kryebashkiak? Po kanë ndodhur, ai ishte gardiani. Pse paratë e Buxhetit shkuan te këta drejtorët, për inceneratorin dhe nuk u kthyen në shërbime për qytetarët e Tiranës. Veliaj po fshihet pas Romina Kukos, pasi thotë ajo nuk mbledh Këshillin”,- u shpreh Alimehmeti.
