Një sherr masiv raportohet të ketë ndodhur në Itali, ku dhjetë të rinj me kombësi shqiptare dhe rumune janë përleshur me njëri-tjetrin.
Ngjarja ka ndodhur në ambjentet e një lokali nate, por ende nuk dihet shkaku i sherrit. Mësohet se ka patur edhe të shtëna armësh, dhe si pasojë ka mbetur e plagosur një klientë në lokal e cila ishte ulur në tavolinë me disa miq.
Mediat vendase shkruajnë se vajza e plagosur iu nënshtrua një operacioni dhe ndodhet jashtë rrezikut për jetën.
Sakaq policia ka shoqëruar të rinjtë e përfshirë në sherr për veprime të mëtejshme proceduriale.
