Pesë turistë nga Mbretëria e Bashkuar kishin mbetur të bllokuar mbrëmjen e djeshme në vendin e quajtur “Shpella e Pëllumbasit” në Tiranë, për shkak të terrenit të vështirë malor dhe errësirës.
Ata janë shpëtuar pas gati 5 orësh kërkime, deri pas mesnate, nga Policia e Tiranës në bashkëpunim me grupin alpin të Forcës Kombëtare të Sigurisë dhe me Federatën Shqiptare të Alpinizmit.
Policia raporton se 5 turistët e huaj janë në gjendje të mirë shëndetësore.
