Skënderbeu do të përballet kundër Erzenit në Korçë duke filluar nga ora 18:00, ndeshje e vlefshme për javën e 33-të të Kategorisë Superiore.
Stafi vendas ka mbyllur dje përgatitjet në prag të këtij takimi dhe ideja është për një lojë me theks sulmues, me qëllimin e vetëm për të mos humbur asnjë pikë.
Duke u nisur nga fitorja e fundit në Kukës dhe fakti që kjo ndeshje ka rëndësi maksimale për të siguruar matematikisht qëndrimin në Superiore, stafi korçar është i vendosur për ta mposhtur me çdo kushte Erzenin.
Për sa i përket shijakasve, ata ndodhen në një situatë të vështirë. Korçarët i kanë mundur në të gjitha takimet që kanë zhvilluar këtë sezon, dhe trajneri Deliallisi kërkon me patjetër të dalë me pikë nga ky takim, që të mund t’i ndihmojë në luftën për mbijetesë.
FORMACIONET ZYRTARE:
SKËNDERBEU: Alia, Prençi, Rabiu, Dumfur, Vangjeli, Janaqi, Gërço, Juri, Kabrel, Liço, Rashica.
ERZENI: Hasanbelli, Kacbufi, Sadiki, Asani, Mëllugja, Migone, Maliqi, Kahrimanoviç, Mihana, Zeka, Blazeviç.
