GJKKO ka rrëzuar kërkesën e Redi Mollës, për kthimin e telefonit të bashkëshortes së tij, të sekuestruar nga Prokuroria e Posaçme (SPAK) në kuadër të hetimeve për dosjen “5D”.
Aparati celular është sekuestar gjatë kontrolleve që SPAK ka bërë në ambjente të ndyshme me qëllim gjetjen e dokumentave apo sendeve të tjera të cilët do t’i shërbinin hetimit. Përmes avokatëve Molla iu drejtua gjykatës me kërkesë për kthimin e aparatit celular, por kjo kërkesë e ish-drejtorit është rrëzuar.
Kujtojmë se Redi Molla, ish drejtori i UKT-së, bashkë me Mariglen Qaton, ish drejtor i Inspektoriatit të Mbrojtjes së Territorit (IMT) në Bashkinë e Tiranës, u arrestuan nga SPAK, pasi akuzohen se nëpërmjet kompanisë “5D Konstruksion” sh.p.k., të drejtuar indirekt prej tyre, kanë përfituar dhjetra miliona euro para publike, përmes prokurimeve të Bashkisë së Tiranës dhe institucionet vartëse të saj.
