SPAK ka “zbrazur” në gjykatë arsenalin e provave materiale, duke dorëzuar dosjen penale “Metamorfoza”, kundër 10 personave tashmë të marë të pandehur.
Mes emrave të vënë nën akuzë, është Drejtuesi i prokurorisë së Kukësit, Xhevahir Lita, Drejtuesi i Operacionales në Policinë e Shtetit, Oltian Bistri, biznesmeni i lojrave të fatit Pëllumb Gjoka, dhe kreu i klanit “Bajri” në Shkodër, Behar Bajri.
Pjesë e listës së personave të pandehur është dhe Nuredin Dumani, një nga emrat e njohur në botën e krimit që ka vepruar si vrasës me pagesë.
Në këtë dosje “Dumani” akuzohet për “Sigurim të kushteve për të kryer vrasjen” e Dorian Dulit dhe Admir Tafilaj, kryer në formën e “Grupit të strukturuar kriminal”.
Edhe në dosjen “Metamorfoza” ashtu si tek “Plumbi i artë”, Nuredin Dumani ka shfaqur pendesë duke treguar gjithçka rreth marëdhënies kontraktuale që ka pasur me Bajrat për të kryer vrasjen e Dulit, Tafilajt dhe Ibrahim Licit.
Ndërkohë i pandehur në “Metamorfoza” është marë dhe ish-zv/drejtori i Policisë së Shkodrës, Ardrit Hasanbegaj.
Në këtë çështje SPAK rradhit plot 234 prova hetimore, duke përfshirë dhe një seri dëshmitarë, si ish-drejtuesi i komunës Velipojë, Nikoll Marku, e deri tek deklarimet e dy gjyqtarëve të Shkodrës, Besmir Struka dhe Sokol Shehu.
Stroka dhe Shehu, janë dy gjyqtarët që kanë trajtuar rastin e parë të Behar Bajrit në Shkodër, për sa i përket shpalljes sëmoskopetencës nga Gjykata e Shkodrës në atë të SPAK.
Hetimet në këtë çështje vijojnë, pasi në 11 Prill 2024 prokuroria ka vendosur të ndajë dosjen në dy pjesë. Duke bërë që personat në kërkim si Ervis Martinaj, Bardhyl Mavraj, Elio Hato, Arsad Bashli, Denis Brajoviç, Klaudio Haka, Prekë Kodra dhe Aleks Ndreka të qëndrojnë në hetim.
PERSONA TË PANDEHUR
Nuredin Dumani – Bashkëpunëtori i Prokurorisë SPAK
Ardrit Hasanbegaj – Ish-zv/drejtori i Policisë Shkodër
Oltian Bistri – Drejtori i Operacionales në polici
Xhevahir Lita – Drejtuesi i {rokurorisë së Kukësit
Astmet Bilali – Anëtar i grupit të Behar Bajrit
Edmond Preka – Shoferi personal i Pëllumb Gjokës
Pëllumb Gjoka – Biznesmeni i lojërave të fatit
Behar Bajri – Drejtuesi i klanit Bajri në Shkodër
Nehat Fojleta – Anëtar i klanit “Bajri”
Sabjan Troshani – Anëtar i klanit “Bajri”.
PERSONAT NË KËRKIM PËR TË CILËT ËSHTË NDARË HETIMI
Ervis Martinaj – Bosi i lojërave të fatit në Shqipëri
Bardhyl Mavraj – Vëllai i Behar Bajrit
Elio Hato – Miku i Ervis Martinaj
Arsad Bashli – Anëtar i klanit “Bajri”
Denis Brajoviç – Anëtar i klanit “Bajri”
Klaudio Haka Anëtar i klanit “Bajri”
Prekë Kodra – Anëtar i klanit “Bajri”
Aleks Ndreka – Anëtar i klanit “Bajri.
/Ora News
