Personi që shihni në foton e mësipërme është 17 vjeçari, Isuf Mehmeti, i cili gjeti vdekjen mbrëmjen e kaluar në Fushë-Krujë pasi u përplas nga një makinë tip “Hyundai”.
Dyshohet se shkaku i aksidentit ka qenë shpejtësia e lartë me të cilën po lëvizte shoferi i mjetit, Andi Kulla, tashmë i arrestuar nga policia.
Mësohet se Mehmeti ishte nxënës në shkollën e Mesme Profesionale Kamzë. Në një postim zyrtar në rrjete sociale, mësuesit dhe shokët e shkollës kanë shprehur ngushëllimet e tyre, për ndarjen nga jeta të 17-vjeçarit.
“Këtë të dielë u zgjuam me një lajm të dhimbshëm për të gjithë ne! Isuf Mehmeti, nxënës i klasës XI-2 SHMT, u nda nga jeta mbrëmjen e shkuar, në një aksident me makinë, në Fushë Krujë. Shkolla jonë humbi një nxënës shembullor, shokët një djalë të shkëlqyer!Ngushëllime familjarëve, shokëve dhe kujtdo që e njohu Isufin! Pushoftë në paqe!” shkruhet në postim.
