Deputetja e Partisë Demokratike, Albana Vokshi ka denoncuar raste të tjera flagrante sesi Ilir Beqaj fiton tendera të tjerë publikë.
Pavarësisht se është nën hetim nga SPAK për disa çështje korruptive, kjo nuk e ndal Beqajn që të majmet me tendera publikë pasi ai ende i ka “shpatullat” e mbrojtura nga Edi Rama.
Gjatë një postimi në rrjetet sociale, Vokshi thekson se Ilir Beqaj ka fituar një tender nga AKSHI në vlerën e 332 milionë lekëve.
Reagimi nga Albana Vokshi:
“Edhe nën akuzë, Ilir Beqaj vazhdon fiton tendera publikë!!
Para disa ditësh Ilir Beqaj u ankua që nuk paguante dot tarifën për të marrë dosjet e SPAK për Sterilizimin.
Gjykata Speciale dje vendosi të merrte parasysh ankesën e Beqes e urdhëroi vënien në dispozicion të kopjeve elektronike të dosjes hetimore pa pagesë.
Ndërkohë, Ilir Beqaj, nën hetim për disa cështje korruptive, nën akuzë nga SPAK, vazhdon majmet me tendera publikë…
I fundit që ka fituar, e përsëri nga AKSHI, është para 4 ditësh në vlerën e 332 milionë lekëve.
Me siguri Edi Rama nuk di gjë ca bëjnë pas krahëve të tij Mirlinda me Ilirin…”, shkruan Vokshi teksa poston fotografinë si më poshtë:
