Kreu i PD-së, Sali Berisha u ka bërë thirrje qytetarëve që të marrin masivisht pjesë në protestën e ditës së nesërme para Bashkisë së Tiranës, ku kërkohet dorëheqja e kryebashkiakut Erion Veliaj.
Gjatë fjalës në tubimin e sotëm, Berisha deklaroi se historia na mëson se diktaturat shkellmohen kur ato humbin kryeqytetin. Sipas Berishës, rënia e Erion Veliajt do të thotë rrëzimi si domino i të gjithë pushtetit të kalbur të rilindjes me në krye Edi Ramën.
Gjithashtu, Berisha u bëri thirrje efektivëve të Policisë që ditën e nesërme të bëjnë historinë, të hiqin kapelet dhe të çlirojnë bashkinë bashkë me qytetarët e Tiranës dhe sipas tij, do kenë përjetë mirënjohjen e shqiptarëve.
Sali Berisha: Sot ende nuk e kemi fituar dhe kemi ende vështirësi pasi jemi në mes të luftës. Por të paktën sot Shqipëria dhe shqiptarët kanë sy, kanë veshë, kanë një opozitë të vbërtetë, kanë një parlament që kërkon llogari. Ne do fitojmë! Të dashur miq, të gjitha këto beteja kanë pasur rëndësinë e tyre, por betejat më të rëndësishme gjenden para nesh. Në këtë kuadër, beteja më e rëndësishme aktualisht është beteja e të premtes fitimtare. Beteja jonë për të çliruar bashkinë e Tiranës nga politikani më i urryer, më i shpifur që shqiptarët që kanë pasur në tërë ekzistencën e tyre. Pse është beteja e nesërme më e rëndësishme? Sepse prej kohësh është faktuar se në Shqipëri vepron një diktaturë me bekimin e mafies më të rrezikshme ndërkombëtare, të kryesuar nga superspekulanti, armiku i egër i demokracisë shqiptare, Xhorxh Soros dhe djali i tij, Aleksis. Të dashur miq, diktaturat na mëson historia, nuk ikin me votë, nuk ikin me drejtësi as salla gjyqi. Diktaturat, drejtësinë e kanë armë të tyre, njëlloj siç ka sot narkoshteti, drejtësinë e re të Dumanëve dhe Zamanëve. Por miqtë e mi, diktaturat shkallmohen dhe historia në mëson se shkallmimi i diktaturave nis kur ato humbasin kryeqytetin. Diktatura e Gedafit u shkallmua vetëm kur ai humbi Tripolin, kryeqytetin e Libisë. Diktatura e Sadam Hysenit u shkallmua vetëm pasi ai humbi Bagdadin, kryeqytetin e Irakut. Ashtu edhe Edi Rama, që sot ka më shumë pushtet se Ramiz Alia në vitin 1990, do shkallmohet sapo qytetarët të çlirojnë bashkinë e kryeqytetit nesër. Ne që shpëtuam PD-në, ne që shpëtuam pluralizmin në parlament, tani ora na thërret për të shpëtuar bashkinë e Tiranës. Të gjithë të bashkia, fitore!
Qytetarë të Tiranës dhe mbarë Shqipërisë, shpëtimi i bashkisë është rrëzimi i regjimit. Rënia e Erion Veliajt do të thotë rrëzimi si domino i të gjithë pushtetit të kalbur të rilindjes me në krye Edi Ramën. Por beteja e të premtes është një sprovë dinjiteti për shqiptarët, sepse të dashur miq, Erion Veliaj poshtëron shqiptarët, të gjallët, të vdekurit, ata që do të vijnë kur ndërton rrugë me shtatë herë çmimin e rrugëve që ndërtohen në Europë. Veliaj poshtëron shqiptarët kur i mashtron se ka mbjellë 1 milion pemë dhe ka vjedhë vlerën e 1 milion fidanëve pa i blerë dhe pa i mbjellë kurrë. Veliaj i poshtëron shqiptarët kur vjedh qindra milionë euro për një incenerator që nuk ekziston. Mos harroni se Veliaj e ndryshoi praktikën e trajtimit të mbetjeve. Mos harroni se Veliaj falsifikoi firmat e Këshillit Bashkiak dhe të njësive të qeverisjes vendore të qarkut të Tiranës për kompaninë Rama-Veliaj. Erion Veliaj poshtëron shqiptarët se me modelin më monstruoz të vjedhjeve 100 përqind, të padëgjuar sot në Shqipëri, pasuron veten dhe shushunjat rreth tij. Të gjitha këto, gjithë ky poshtërim buron vetëm nga mllefi i këtij hajduti ndaj qytetarëve. Hajduti gjithnjë e urren personin që e vjedh. Ai u vjedh sepse, duke cituar vetë Veliajn, ju konsideron zdromsa. E dëgjuat ju vetë se si Rilindsja e Edi Ramës, Olta Kushtetuta, me çfarë përbuzje u shpreh se më zbresin ata nga mali. Për Edi Ramën dhe njerëzit e tij, shqiptarët janë qytetarët të dorës së dytë për t’u përçmuar, për t’u poshtëruar, për t’u neveritur. Prandaj dhe i vjedhin, prandaj dhe i përbuzin, prandaj dhe i përzënë nga atdheu i tyre.
Por kjo urrejtje ndaj shqiptarëve, nesër të premten, në ora 11 merr fund. Erion Veliaj, të paralajmëruam dy herë, nuk dhe dorëheqjen. Ke afat gjer nesër në ora 11. Mos u fshih kot prapa policëve. I sigurt të jesh ti që ata do bashkohen me protestuesit. Për ta mbyllur, kam një thirrje të veçantë për policët. Të dashur policë, lejoni kushtrimin thirrës të qytetarëve të Tiranës, të kombit, të depërtojë te ju, në zemrat tuaja, në shpirtin tuaj. Hapni veshët ndaj agonisë së qytetit tuaj. Dhe shikoni se çfarë është katandisur Tirana dhe mos harroni se para se të jeni policë, jeni së pari shqiptarë. Në protestën e fundit ju ishit përballë qytetarëve, por me zemër, me shpirt ju ishit me qytetarët dhe kjo dallohej qartë në sytë, në fytyrat tuaja. Nuk mundeni kurrë ju, djem të rinj dhe të ndershëm t’i shërbeni një hajdut të shpifur, të pashpirt, antishqiptar si Erion Veliaj. Nuk keni ju pse paguani asnjë kusur të tij. Ju që jeni aty në brendësi e kuptoni më mirë kalbësirën që ai institucion ka brenda dhe kundërmon. Ndaj dhe ditën e nesërme bëni histori, hiqni kapelet dhe çlironi bashkinë nesër bashkë me qytetarët e Tiranës dhe do keni përjetë mirënjohjen e shqiptarëve. Do frymëzoni brezat e ardhshëm me heroizmin tuaj. Stop me farsa, stop me abuzime, stop me poshtërimet ndaj shqiptarëve. Prandaj miq, nesër vazhdon beteja pa kthim, E treta e vërteta, ta shporrim Erion Veliajn dhe me urgjencë të vendosim qeverinë teknike. Të shkallmojmë diktaturën e Edi Ramës dhe t’u kthejmë shqiptarëve paratë e vjedhura, t’u kthejmë shqiptarëve dinjitetin, t’u kthejmë shqiptarëve bashkinë e tyre, t’u kthejmë shqiptarëve demokracinë dhe të shpëtojmë Shqipërinë. O sot, o kurrë.
