Gjykata e Posaçme ka urdhëruar SPAK-un që t’u vërë në dispozicion 9 të pandehurve fashikujt në mënyre elektronike pa pagesë të dosjes së koncesionit të “Sterilizimit”.
Vendimi u dha nga gjyqtarja Flojera Davidhi për shkak se ish-ministri i Shëndetësisë Ilir Beqaj refuzoi të kryente pagesën prej 10 milionë lekësh.
“Vendim i drejtë, rrëzoi pengesën artificiale të qëllimshme të akuzës që na e ka bërë gjatë kësaj kohe. Urdhëruar vënien në dispozicion të 602 fashikujve në mënyrë elektronike pa pagesë.”, tha Beqaj.
Sakaq, seanca e radhës për çështjen e sterilizimit do të mbahet më 13 maj.
Kujtojmë që ditën e sotme prej orës 08:40 të mëngjesit Ilir beqaj ishte i pranishëm në ambientet e GJKKO.
Ilir Beqaj u “ngujua” dy ditë brenda institucionit të SPAK për të lexuar 602 fashikujt e dosjes së tij, ku ish-ministri është nën hetim për ‘shpërdorim’ detyre lidhur me koncesionin e ‘sterilizimit’.
Të pandehur në këtë proces janë 9 persona, dy prej tyre të lënë në masën “arrest në burg. Konkretisht ish zëvendësministri i shëndetësisë Klodjan Rjepaj dhe biznesmeni Ilir Rrapaj. Dy të tjerë janë lënë në masën “arrest në shtëpi”, ndërsa 5 personat e tjerë në mesin e të cilëve ish ministri i shëndetësisë Ilir Beqaj janë në masën “detyrim paraqitje”.
Mbi 9 të pandehurit rëndojnë akuzat “Shpërdorim detyre”, “Mashtrim”, “Falsifikim i dokumentave”
