Ka nisur sot në Gjykatën e Posaçme të Apelit, procesi gjyqësor për revokimin e masës së arrestit për liderin e opozitës, Sali Berishën. Dy përfaqësuesit e tij ligjorë, avokatët Genc Gjokutaj dhe Sokol Mëngjesi kanë hyrë në seancë.
Pas datës 8 prill, ku në Gjykatën e Shkallës së Parë u vendos që të rrëzohej kërkesa për revokimin e masës së sigurisë, avokatët iu drejtuan me një ankim, Gjykatës së Posaçme të Apelit, e cila sot në orën 10 të paradites, kanë nisur edhe seancën për sa i takon shqyrtimit të kërkesës së Genc Gjokutajt dhe të Sokol Mëngjesit, mbrojtësve ligjorë të Berishes për kundërshtimin e vendimit të shkallës së parë për masën e sigurisë, ku kërkojnë zëvendësimin e saj dhe heqjen e arrestit në shtëpi.
Kujtojmë se më 8 prill të këtij viti, Gjykata e Shkallës së Parë për Korrupsionin dhe Krimin e Organizuar rrëzoi kërkesën për revokimin e masës së sigurisë. Një ditë më pas ishte Gjykata e Lartë ajo që vendosi të lërë në fuqi të dyja vendimet e gjykatave të shkallës së parë dhe të dytë në Strukturën e Posaçme duke lënë në fuqi masën e arrestit në shtëpi, e shoqëruar me masë kufizuese të ndalimit të komunikimit me persona të paautorizuar.
Pritet të ketë debat gjyqësor edhe në Apelin e Posaçëm; avokatët e z. Berisha janë futur në seancë, ka nisur procesi gjyqësor për revokimin e masës së sigurisë dhe në dalje mund të kemi më tepër të dhëna për vendimmarrjen nga Apeli i Posaçme, ditën e sotme.
