Ambasadori i BE-së në Tiranë, Silvio Gonzato ka zhvilluar këtë të hënë një takim me kryetaren e Gjykatës Kushtetuese Holta Zaçajn.
Nëpërmjet një postimi në rrjetet sociale, diplomati evropian është shprehur se kanë diskutuar punën e gjykatës dhe për bashkëpunimin në mbështetje të institucionit që ajo drejton.
“Kënaqësi të takoja znj. Holta Zaçaj, Kryetare e Gjykatës Kushtetuese të Shqipërisë. Diskutuam për punën e Gjykatës dhe bashkëpunimin tonë të ardhshëm në mbështetje të këtij institucioni kyç të sistemit demokratik të Shqipërisë.” – shkruan Silvio Gonzato në rrjetin social “X”.
Ky takim vjen vetëm disa ditë pasi mazhroanca të enjten e kaluar në Kuvend votoi kundër dërgimit në Gjykatën Kushtetuese të shqyrtimit të mandatit të ish-ministres, deputetes Olta Xhaçka, e cila dyshohet se është në konflikt interesi për shpalljen e bashkëshortit të saj, Artan Gaçi si investitor strategjik.
Gjithsesi, vlen të theksohet fakti se askush prej ndërkombëtarëve nuk kanë reaguar në lidhje me këtë vendim të mazhorancës dhe nuk dihet nëse është prekur në takimin mes Gonzatos edhe Zaçajt apo jo.
Good to meet with Ms Holta Zaçaj, President of the Constitutional Court of Albania. We discussed the work of the Constitutional Court and our future cooperation in support of this key institution of #Albania‘s democratic system. pic.twitter.com/We7QnyQXYm
— Silvio Gonzato (@EUAmbAL) April 15, 2024
