Gjykata e Tiranës ka vendosur masën e sigurisë arrest shtëpie për Jurgen Kurtit ndërsa për dajën e tij Leonard Ristanin arrest me burg, të dy të akuzuar për vrasjen e 50-vjeçarit Artur Kurti.
Djali dhe kunati akuzohen se qëlluan me thikë Artur Kurtin, duke i shkaktuar vdekjen si pasojë e plagëve të marra. Kunati i viktimës, Leonard Ristani ka pranuar pjesërisht krimin, duke thënë se mendon që e qëlloi ai 50-vjeçarin.
Po kështu është shprehur edhe djali i viktimës. Jurgeni ndërhyri në përleshjen mes babit dhe dajos së tij, por nuk është i sigurt nëse e qëlloi ai me thikë apo jo.
Gjykata zbatoi kërkesën e Prokurorisë, duke lënë në burg të dy deri në përfundim të hetimeve. Ata akuzohen për vrasje në bashkëpunim, krim i ndodhur para 3 ditësh.
