Një 40-vjeçar ka humbur jetën pas një aksident në vendin e punës, në Maminas.
Mësohet se 40-vjeçari me banim në Vorë, ishte punëtor në një fabrikë tullash, dhe pas një dëmtimi gjatë orarit të punës ka ndërruar jetë.
Si pasojë policia njofton se ka nisur procedimi penal për përgjegjësin e turnit 59-vjeçarin E.S
“Specialistë për Hetimin e Krimeve të Komisariatit të Policisë Shijak referuan materialet në Prokurori ku nisi procedimi penal për shtetasin E. S., 59 vjeç, banues në Vorë, me detyrë përgjegjës turni në një fabrikë tullash, në Maminas, pasi më datë 11.04.2024, rreth orës 23:40, gjatë punës në këtë fabrikë është dëmtuar shtetasi S. B., 40 vjeç, banues në Vorë, i cili për pasojë ka humbur jetën”,- njofton Policia.
Vijon puna për dokumentimin e rrethanave të këtij rasti.
