Një aksident i rëndë ka ndodhur në orët e para të mëngjesit të kësaj të mërkure në Laposaviç. Si pasojë e aksidentit kanë ndërruar jetë 2 persona pjesë e komunitet serb, ndërkohë që një tjetër është në gjendje të rëndë.
Lajmi është konfirmuar nga shefi rajonal për Rajonin e Mitrovicës, Munish Avdiu, i cili deklaroi se nga përplasja e dy automjeteve kanë ndërruar jetë dy drejtuesit, si dhe ka mbetur i plagosur rëndë pasagjeri.
Dy të rinjtë që kanë ndërruar jetë janë rreth moshës 25-vjeçare. Ata i përkasin komunitetit serb, me shtetësi të Kosovës, ndërsa automjetet i kishin me targa të Serbisë.
