Nënkryetari i PD, Oerd Bylykbashi ka dhënë një deklaratë në lidhje me Reformën Zgjedhore pas mbledhjes së kryesisë së PD.
Bylykbashi është shprehur se në reformën zgjedhore e vetmja pikë ku nduk do të ketë ndërhyrje janë rekomandimet e OSBE-ODIHR.
“Është herët që të flasim për konsensusin me PS dhe kjo do të përcaktohet nga plani i punës. Rekomandimi i OSBE-ODIHR duhet trajtuar në mënyrë të prerë dhe ato nuk diskutohen. Problemet që shtrohen janë shumë të rënda ku cënohet sekreti i votës, liria e votës, zgjedhësit janë në trysni, është barazia e votës çështje dhe të gjitha këto kërkojnë ndërhyrje disa planëshe.
Ajo që ne mendojmë si opozitë është që ndër to ndërhyrje na duhet që të shohim, të përmirësojmë dhe përforcojmë ndëshkimet penale në lidhje me krimet zgjedhore. Nuk do tu shkojë në mend zyrtarëve zgjedhorë që të votojnë për llogari të tretëve si ka ndodhur ne Kamëz ose Elbasan, nuk do tu shkojë në mendje që shteti të ndërhyjë dhe të prishë zgjedhjet dhe nuk do të lejohet asnjë lloj forme që cënojnë rezultatin.
Rekomandimet e OSBE-ODIHR thonë që ju keni ligjin por prokuroria dhe gjykatat nuk kanë ndërhyrë dhe deri në këtë moment SPAK e ka me ligj ndërhyrjen në korrupsionin zgjedhor dhe nuk e ka bërë si duhet punën e saj.
Ajo që është çështja kryesore është problemet e sistemit zgjedhorë dhe dakordësia e 5 qershorit 2020 duhet të rikthehemi te ajo dakordësi. Nuk mundet që një parti si LSI me 108 mijë vota merr katër mandate dhe një parti si PSD me 30 mijë vota merr tre mandate”, tha Bylykbashi.
https://boldnews.al/2024/04/05/emrat-ps-dhe-opozita-arrijne-dakordesine-per-ekspertet-ligjore-per-zgjedhoren/
